Совети од дизајнери на ентериер
ЈАВЕТЕ СЕ НА:
+389 (0)78 410 580 | +389 (0)77 986 830
ИЛИ ПИШЕТЕ НИ НА:
Најчестите грешки во декорирањето на дневната соба
Декорирањето на дневната соба може да биде голем предизвик, но и забавно и креативно искуство. Многу пати, барајќи го идеалното решение, може да дојде до низа грешки.
Во прилог се некои од најчестите грешки при декорација на дневниот престој, според ентериер-дизајнерите.
1. Премногу мебел
Премногу мебел во дневна соба, може да направи истата да изгледа претесна и неуредна. Затоа изберете само парчиња мебел кои ви се навистина потребни, функционални и естетски привлечни.
2. Не обрнувате внимание на осветлувањето
Правилното осветлување е клучно за создавање на пријатна атмосфера во домот. Освен природното осветлување, препорака е да додадете уште некој извор на светлина, како столна или подна ламба која естетски ќе го разубави просторот.
3. Избор на тепих и под
Изборот на подот и тепихот и те како игра голема улога во целосната слика на дневната соба. Според дизајнерите на ентериер, тепихот треба да биде со големина која ќе ги собере сите главни елементи во тој дел. На пример, не треба да нема непокриен простор помеѓу масата и гарнитурата.
Сепак, се разбира, тепихот не треба да биде ни премногу голем, за да не се добие слика на претрупаност во самата просторија.
4. Преклопување на бои
Една од најчестите грешки која се прави е изборот на бои. Сите бои во просторијата треба да бидат сами по себе складни. Затоа, избегнете користење на премногу бои.
5. Завеси со несоодветна големина
Завесите во дневна соба треба да бидат соодветно поставени, односно да допираат до подот. Доколку завесите се прениско или превисоко поставени, тоа ќе има влијание на пропорциите на самата просторија.
6. Мешање на различни естетски стилови
Комбинацијата од повеќе естетски стилови во една просторија, најчесто оддава впечаток на неуреденост.
Советот е да се држите до еден одреден стил, како на пример скандинавски стил или стил на индустриски дизајн.